بايت نبكي......مصطفى القندوسي

بايت نبكي
يا احبابي
والله غالب
الخير اكثير
ونا ميت
بالجوع
هادو يا لخوت
كيف الثعالب
مكرهم مكر
وابلاهم راه صاعب
ابحال لبرق
اتطير من قدامي
ابقيت مخلوع
انا صوت اعليهم
قلت ناس املاح
دكو شوكتهم فيا
ابقيت ملسوع
هما ايسرقو
الحلوة
ولحلاوة بالدفوع
ونا خاصني
فرينة
هارب مني
الدم راني
مصفوع
الخير فبلادنا
اشحال اكثير
والفقر امفشي
عندنا مسموع
هادي ليكم يا ناس ميسور من عند اللي مانكنيلو اسمية السبع ولد اللبية كيما
مصطفى القندوسي الله يخلف اعليه