الشاعر/ جمال زكى عينر ...يكتب ...زى ما احنا صغيرين ...

( زي ما احنا صغيرين ) :

عندي شوق يا حبيبي اشوفك
زي شوق الطفل لامه
زي طير مشتاق لطيره
بالحنين يرجع يضمه
نفسي اكون دايما معاك
عمري كله تكون معايا
نفسي اعود لايام هواك
نبتدي تاني الحكايه
نفتكر ايام زمان
لما كنا صغيرين
لما كنا نجري نلعب
تجري تلحقنا السنين
ونسابقها وتسابقنا
وكان بيسبقنا الحنين
وافترقنا والتقينا
والحنين هو الحنين
مهما اكبر مهما تكبر
مهما بتمر السنين
زي ما احنا يا حبيبي
زي ما احنا صغيرين

     بقلمي الشاعر جمال زكي عينر