بقلم الشاعر... بسيونى صديق ...مربعات (حمارى الغالى )...

مربعات ( حماري الغالي )
*****************************
حماري الغالي أصيل
أأمره يخدم في الحال
لا يكل أبدا من شيل
وصابر على الأحمال
******************
مخلص في الشدة ألاقيه
معايا و فضله على راسي
أعامله بحنيه وأراعيه
بقلبي وروحي وإحساسي
*******************
عمره ما  كان  غدار
دا افضل م البني أدمين
يبكي عليا  لما انهار
ودمعه خط ع الخدين
******************
شطورة بيحب حمارة
يغازلها وشوقه بيزيد
لو عديت مرة بالحارة
نهق برتع خلاها  عيد
******************
حماري مؤدب يختشي
كاتم أنفاسه وخجلان
وحمارة جاري بشفتشي
تحوم حواليه زي الددبان
*******************
و قامت ثورة الحمير
و الشهم  كان م الثوار
و نادى حماري بالتغيير
والتغيير خفض الأسعار
*******************
وبصوته العالي بيقرر
هيموت تحت المقصلة
ما بلاش يحلم  يتحرر
أكرم له  من البهدلة
******************
وقلنا مفيهاش فايدة
وإعلانها رسمي  حمار
تعابين دخلت ف مزايدة
والخواجات ركبوا التيار
*******************
الجمال جات ف الزيطة
والركاب كانت مخابيل
فاكرينها فتة ولهليطة
وقعوا ف درب المهابيل
*******************
يا حماري خدلك نايب
واجري بسرعة أوام
صاحب التكية غايب
افطر و اتعشى حمام
******************
الخواجات أكلوا اللحمة
والمال  أصبح  سايب
وكله بينتش ف الزحمة
و الشامت قبله العايب
******************
والثورة ثورة أوهام
والخرفان سنت قوانين
أولها ضرب الألغام
وتانيها كسر الرجلين
******************
والقرارات ابني زريبة
ممنوع يخرج اي حمار
والخارج لو كان بزبيبة
ياويله من ضرب النار
******************
وحماري طفش زهقان
خد بعضه رحل بدري
أفضل له من التوهان
وتركني أعاني وحدي
********************
كلمات بسيوني صديق