الأستاذ /بسبولة المحجوب.. يكتب.. وأمال البسمه..

//////+++ وامال البسمة +++//////

وامال البسمة حشمانة
رسمت على خدها دفء ولطاف
واللحظة ف حالها زربانة
خلات عقلي معاها ولاف
سافرت بيا ف سحر لحروف
والشوق مرافقني بالبوح
والدايز والماشي فينا يشوف
فتحوا ديوان لحديث وشروح
لا غيرها عندي مرغوب
نقشت قلبي ياك ملكاتو
قررت وهدا ليا مكتوب
حكمت وسلمت والقلب داتو
وحنا اليوم ف مسيرة لغرام
طاعتو ياسيادي لقصيدة
وانا وياه في عبير لحلام
هدا لهوى نغمة جديدة

//////+++ بقلم صقر الحروف الزجال بوسبولة المحجوب +++//////