معقول .... بقلم عبد التواب الجارحي

معقول يا واد
لساك بتعمل عيد ميلاد
ده الشعر شاب
يا اد اختشي ربي العيال
كان يوم أسود لما جيت
روح يا واد هات الصابونه
اغسل دماغك
يمكن تفوق وتتعدل
اصل اللي شايفه بعيني
دي أمور عيال
وانت كبرت والشعر شاب
بكره تقولي نفسك تتني
وتعمل عريس
ادي اللي ناقص
روح يا واد صلى العشاء
وادعي لربك فى الصلاة
بدل أمور المسخرة
انت يا واد على اد علمك
ناقصك علام
اوعى تقول إنك كبرت ع العلام
افتح رياض الصالحين
وشوف حبيبنا المصطفى قالنا ايه
وانت تفهم إن السعادة فى العبادة والصلاة
مش تقولي عيد ميلاد
يا اد اختشي ده الشعر شاب .

لساك بتعمل عيد ميلاد
بقلم /  عبدالتواب الجارحي