ببنى و بينك
بقلم / محمد على عاشور
بينى و بينك ليه بتعلى ما بينا جدار
كل ما نمشى معاكى فى سكة
بعدها تبعدى بالمشوار
نرجع تانى نقرب منك
و انتى تعيدى معايا الكره
بدون أسباب
قلبى احتار
قلبى بيحزن و بيتالم
ترجع روحى تقرب منك
تبقى معايا بكل كيانك
زى الورده اللى بنتفتح
فجأة نفوق على تغيير تانى
بدون أسباب
نرجع تانى نقرب منك
أصل بعادك بيجننى
و نعود نروى ورود جنتنا بالاشعار
يجى يغرد بلبل حبك جوه وريدى
قلبى بيرقص من جواه
علشان انتى بتبقى معايا ليل و نهار
فجأه الاقيكى تبعدى تانى
نمسك فيكى بكل كيانى
و قلبى يطبطب على خلاياكى
علشان تبقى قريبة منى
يا ليلى القيس متعلق بيكى
روحه بتجرى تعيش مع روحك
و تبوس ورد الخد النايم
نفسي عيونى تحضن عينك
نفسي إيديا تلازم ايدك
عايزين نزرع ورد الحب
عايزك دايما تبقى معايا بكل كيانك
عايز الخوف جواكى يموت
لجل ما تبقى حياتنا جميلة
بدون اسوار
و تبقى طيور الحب ما بينا
تغنى بحبك و معاه حبى
قلبى حيفضل يستناكى
لأن ف بعدك عنى عذاب
كل ما تيجى
قلبى بيحضن روحى و يرقص
و اما تغيبى
روحى بتحضن قلبى و تبكى
و انا وياهم منتظرينك بالأزهار
يا ريت ما تغيبى عنى كتير
علشان نفتح باب جنتنا
و نعيش فيها حياه ايديه
بدون اعذار
ليست هناك تعليقات:
إرسال تعليق