حضنك دنيا من الأفراح ....بقلم الشاعر أحمد سيد أحمد

حضنك دنيا من الأفراح
مزروعة بالياسمين و الفل
حضن يداوى ف قلبى جراح
أجمل شمس و أجمل ضل
حضنك دنيا من الأشواق
كل ما فيها سعادة و فرح
حضن يقول إبعد يا فراق
حبنا مابيحتاجش لشرح
حضنك هو النور لحياتى
هو ماضيا و عمرى الآتى
بلقى معاه أسعد أوقاتى
لما عنيكى عليا تطل
حضنك هو حياة الروح
هو نعيم العين و القلب
روحى معاه دايما بتروح
مافيهوش غدر و ظلم و كدب
جوه ف حضنك ياللا خدينى
ضمى غرامى و ضمى حنينى
أنا عاشق و الحب كاوينى
نفسى أكون جنبك علطول
مهما بعدتى عليا تمللى
شايفك شمسى و قمرى و ضلى
حبك أجمل شئ يحصل لى
 مهما يا عمرى العمر يطول
(أحمد سيد أحمد)