حسن محمد خليل يكتب ....

الشاعر حسن محمد خليل
يامواطن الباقية فى حياتك
ةةةةةةةةةةةةةةةةة

يامواطن غلبان ملكش بخت
 حتى فى  مواصلاتك
راكب وكلك هموم تتصادم
كمان  قطاراتك
وفى عز فرحك تلقى اهاتك
وفى لحظة إهمال تلقى مماتك

مش ملاحق هموم
كل يوم
على طول مظلوم
وكأن مكتوبلك تعيش
تعيس طول أوقاتك

وفلوسك ضايعة على الدروس
مفضين جيوبك وتعبين النفوس
وكل من هب ودب بيدوس
مش باقى منك غير ذكرياتك

عمال تفكر تجيب  منين مصاريف
لبس شتا ولالبس صيف
وفجاة أنفجار على الرصيف
 تيجى فيك وتتعالى صرخاتك

وانت واقف مستنى القطر يفوت
ينفجر الجرار وفى لحظة تموت
وحريقة وناس بتصرخ ويعلى الصوت
وتنتهى خلاص من دنياتك

وبسبب أهمال كبير
 وناس معندهاش ضمير
عمى قلوبهم التقصير
 ضاعت معاهم  أبتساماتك

يامسؤلين حتقولوا أيه لربنا
لما تقبلوه لاهمالكم لنا
لا يمكن تكونوا مننا
وانت يامواطن الباقية فى حياتك

المهندس
حسن محمد خليل