رصيف المحطه
 ...............
لو مره نزلت دمعتك
واتنطورت
طرحت نجوم
واتبعترت
وقلوبنا طارت في السما
من غير جناح

فاتمرجحت واطَّوحِت
 بين كام سحابه مرعبه
 وهبة رياح

ساعتها بس
عرفنا إيه معنى الألم
لما القلوب اتشققت
وشربنا من كاس الوجع
مر الجراح

واتفسر ال
حلم اللي كنا بنحلمه
لما الفقير دفع الثمن
والدم أصبح مستباح

وان مره تسأل حد قابلك
عالرصيف
هو اللي سايق كان كفيف
ولا النظام من غير عيون
مايهمهوش ومايلزموش

فيرد لك
القطر مالهوش اي ذنب
القطر شغال بالريموت
وبلدنا اصلا غاويه موت

بس الأكاده الموت مخيف
لوكنت واقف ع الرصيف
وبلاش تعكر صفوهم
أو حتىٰ تنكش عشهم
خليك لطيف.
 وبلاش تقر ب م الرصيف
.....................       
الشاعر: سامي عبدالعال