من قصيدة طبع الايام ....للشاعر اسامه رفعت

من قصيدة
                  طبع الايام

زي العادة
كل ما اشوفِك صدفة قصادي
تفرح روحي
وأحس ف قلبي
دقة زيادة

أغمض عيني
وفجأة ألاقيني
رجعت بيا كل سنيني
وقت ما كنا حبايب لسه

أجمل إحساس دخل القلب
وأول لمسه

شايفني وشايفِك
 لسه هناك
أه عايزاك
بأتمناك
ومهما يحاولوا يفرقوا بنا
انا ح استناك

وانا واقف بأحلف
إني بحبِك
زيِك وأكتر
وأوعد قلبِك
عمري في يوم ما أتغير
ولا أتصور
أبعد عنك
ولا حتى أفكر

مر كتيير ... مر زمان
وكل دا كان
قبل ما نبقي انا وانتي
صورة في برواز متكسر

ياما قالولي الحب الأول
مش بيطول
عمره قليل
صعب يكمل
طبع الايام مش جواده

كنت مفكر
إن البُعد
عمره ما يقدر
يجي في يوم ناحيتنا

كان الحب مالي عينينا
قبل حياتنا
كان فارش كل وروده
في سكتنا
كان راسم
اسمي واسمك
على جدران بيتكو وبيتنا
كنت بأحسه بيفرح
أول ما يشوف خطوتنا

مر كتيير ...  مر زمان
وكل دا كان
قبل ما تخطف
 منا الايام ضحكتنا
زي العادة

كلمات / أسامة رفعت