اضحك يا قلبي ... بقلم الشاعر فايز علام

اضحك يا قلبي..
اضحك..
وطفى بضحكتك وجعك
مالك كده...
مش عجبك أى حاجة فى دنيتك
وورا دموعك..
بتلتم عيونك بسواد ليلك..
وبقيت شبه الأموات..
شايف الدنيا وقفت عندك..
ارحم نفسك ...
ولملم بقا جروحك...
وافرد وشك..
 وعيش بقا يومك ..
ومتستناش اللي يغشك..
ولا أنت مستنى حفنة تراب..
تداري وشك ..
اضحك بصوت عالي..
وغير بقا جلدك..
وخد من الماضى..
وارسم بقا صورتك..
بس أوعى فى يوم...
تغير مبادئك..
أو تنسى فى يوم..
قلوب حبتك..
اتغير بس على عزول..
كان بيتمنى فى يوم موتك...
وكلامه كان بيخدعك
اضحك ووريهم بسمتك..
يمكن يتداروا من طلتك...
أو يخجلوا من حضرتك...
وتموت مواضيعك..
جوا قلوب كرهتك....
اضحك..
دا ضحكتك أجمل شيئ فى دنيتك.
👇👇👇👇👇👇👇👇👇
بقلم.... فايز علام.... مصر....
26/2/2016
حقوق النشر محفوظة للكاتب