أقرا الحادثه.... أقرا الحادثه
حادثة إيه
دا قطر الصحافه مجاش
ولا دي طلعت في أول طبعه
ودي حادثة إمبارح ولا بكره
ولا النهارده
دي حادثة كل يوم
قبل ما نغلي التذكره
ونطور السكه
عشرين نفس
راحو في ساعة غفله
عشرين بيت إتخربوا ولا فكره
مين من المسؤلين في الضحايا
كله آمن آمن
من أول الوزير وعياله
ورئيس القطاع وعياله
لغاية رئيس الهيئة
أمال مين إللي مات
نفس اللي ماتوا قبل سنه
أو ناس كدا شبهم بنفس السحنه
شقيانين غلابه
دراويش تايهين ورا لقمة العيش
أجلهم جالهم على غفله
بس الحكومه مسكتاش
والوزير كتر خيره أستقال
وريحنا من المسائله
ويومين تلاته
وكمان كام ....حادثه
الناس راح تنسى
وهنقول المشكله في الرصيف
ولا الحديد إللي إشتكى من الدوشه
ولاغلطة سواق مربطش
فرامله أو لسانه بالبنسه
بيع أخبارك وزع جرنالك
أهو خبر جديد وجالك
وبكره برضه
نفتكرك بكام كارثه
......
إسماعيل هريدي. 2019/02/27
حادثة إيه
دا قطر الصحافه مجاش
ولا دي طلعت في أول طبعه
ودي حادثة إمبارح ولا بكره
ولا النهارده
دي حادثة كل يوم
قبل ما نغلي التذكره
ونطور السكه
عشرين نفس
راحو في ساعة غفله
عشرين بيت إتخربوا ولا فكره
مين من المسؤلين في الضحايا
كله آمن آمن
من أول الوزير وعياله
ورئيس القطاع وعياله
لغاية رئيس الهيئة
أمال مين إللي مات
نفس اللي ماتوا قبل سنه
أو ناس كدا شبهم بنفس السحنه
شقيانين غلابه
دراويش تايهين ورا لقمة العيش
أجلهم جالهم على غفله
بس الحكومه مسكتاش
والوزير كتر خيره أستقال
وريحنا من المسائله
ويومين تلاته
وكمان كام ....حادثه
الناس راح تنسى
وهنقول المشكله في الرصيف
ولا الحديد إللي إشتكى من الدوشه
ولاغلطة سواق مربطش
فرامله أو لسانه بالبنسه
بيع أخبارك وزع جرنالك
أهو خبر جديد وجالك
وبكره برضه
نفتكرك بكام كارثه
......
إسماعيل هريدي. 2019/02/27
ليست هناك تعليقات:
إرسال تعليق