__________ ما تبكيش بقي _______
أرجوكي ما تبكيش بقي
أرجوكي قولي اللي جواكي
كفاية حياتك في شقا
والطيور حزينة في سماكي
دموعك جفت من البكا
وزرعك محروم من السواقي
مخبية رمش عينك بشالك
وملامحك تجاعيد وحرمان
وهدومك سوده علي عيالك
وإيديكي تيبست من الأحزان
مش عايزه تشوفي قبالك
وقعدتك جواها حزن وكتمان
والتراب عشش علي جلبابك
ونبض طرحتك آسي وأشجان
من قد ايه ما تفتحش بابك
من قد ايه حاسة بالإنسان
والناس اللي واقفة ع عتابك
مستنيين تفتحي لإملهم بيبان
ومن سنين متحمله ع أعصابك
ومن صبرك الصبر بقي عطشان
أرجوكي قولي وإفتحي كتابك
قبل ما يغزووكي النسيان
مستنينك تقومي وتقولي أسبابك
عشان الأمل يرجع ويسقي البستان
______________________________
............... حسن الشوان ...............
أرجوكي ما تبكيش بقي
أرجوكي قولي اللي جواكي
كفاية حياتك في شقا
والطيور حزينة في سماكي
دموعك جفت من البكا
وزرعك محروم من السواقي
مخبية رمش عينك بشالك
وملامحك تجاعيد وحرمان
وهدومك سوده علي عيالك
وإيديكي تيبست من الأحزان
مش عايزه تشوفي قبالك
وقعدتك جواها حزن وكتمان
والتراب عشش علي جلبابك
ونبض طرحتك آسي وأشجان
من قد ايه ما تفتحش بابك
من قد ايه حاسة بالإنسان
والناس اللي واقفة ع عتابك
مستنيين تفتحي لإملهم بيبان
ومن سنين متحمله ع أعصابك
ومن صبرك الصبر بقي عطشان
أرجوكي قولي وإفتحي كتابك
قبل ما يغزووكي النسيان
مستنينك تقومي وتقولي أسبابك
عشان الأمل يرجع ويسقي البستان
______________________________
............... حسن الشوان ...............
ليست هناك تعليقات:
إرسال تعليق