شيخه على الكل .......ابوشكري محمد

شيخه على الكل وأهلها لنا أسياد
يكفي ان قلبي يحتمي في حماها
فيها الجمال والكرم بنت الاجواد
يا سعد قلبي يوم وقع في هواها
اصيله لها نسب من خيار الاجداد
وفي عيونها السواد يظهر حياها
قلت لها احبك قالت وايش عاد
يله اطلب يدي او تبغي سواها
فقلت لها فقري واقف بالمرصاد
قالت ما يهمنا مال العرب وجاها
فسأل دمعي على خدي كما واد
واحترق قلبي من كلام شفاها
شفاه لها تسكب شهد ومداد
فقدت صوابي من زود حلاها
فقلت حددي مع اهلك ميعاد
وانا بدفع عمري مهر فداها
جمعت جمال دمشق وبغداد
وجمال اهل المغرب اشتكاها
احبها كحب عنتر ابن شداد
وأحلم اكون لعبه في يداها
وانا ابوشكري لي في الحب اعياد
وعيد حبي يوم قلبي لقاها
وكتبت لها وما هميت النقاد
ياليت اقضي باقي عمري معاها

ابوشكري محمد