أغدا ألقاك ..... بقلم الشاعر د.السيد محمد صابر

أغدا ألقاك ...؟
يا فؤادى ....
كم حلمنا العمر دوما
لحظة يأتى اللقاء
وأنقضى عمرى إنتظارا
من يلبى ذا النداء
يافؤادى ....
جن من يحيى الحياة
حلمه يلقى السراب
أن يلاقى حب يوما
أن يفارقه العذاب
يافؤادى ....
مثلك بالعشق يشقى
لا دواء سوا الفناء
فالحبيب فى البعد يحيى
وعشقه للقلب داء
أغدا أغدا ألقاك ؟؟؟؟

===============
أغدا ألقاك ... ؟
كل شئ بيقول بحبك
ايوه أنت ..
كل حرف فى يوم كتبته
عشانك انت
كل ضحكة  وكل بسمة
كل أنة وكل دمعة
منك أنت
ياللى عايش جوا منى
من يوم ما شوفتك
والسعادة تملى قلبى
ويا سيرتك
والقمر بيغار حبيبى
والنجوم يطفى نورها
لوشافوا صورتك
كل شئ فى الكون حبيبى
بيقول بحبك
بحبك بحبك
أغدا أغدا ألقاك ..... ؟
===========
أغدا ألقاك .. ؟
لما بالمح بس طيفك
قلبى بيحس بأمان
ما انت عارف نفسى اشوفك
غرقان فى شوقى ومن زمان
الليل سهرته أناجى نجمة
وبدر عالى فى السما
وأسأله لو مرة شافك
يبلغك حبى وحنينى
ويسألك بأخطر ببالك
ويحلفك فى يوم تجينى
دا الغرام فى القلب نار
والبعاد والشوق كوينى
أغدا أغدا ألقاك ...؟
==============
أغدا ألقاك ....؟
يا منايا ...
كل شئ فى الكون معايا
مشتاقين
حتى نور الشمس رافض السطوع
وبدر الليل مخاصم دنيتى
ومستنى الرجوع
عود تعالى يا حبيبى
 من بكايا فى بعدى عنك
العيون جف جواها الدموع
والأنين فى القلب خلا
كل لحظة من حياتى
بالألم تنطق تقول
ياحبيبى يلا عود
أغدا أغدا ألقاك

======

أغدا ألقاك ... ؟
يا حياتى ...
مهما كانت يوم أهاتى
مهما كان جرحى وألامى
فى يوم لقاك
تنتهى كل الجراح
يتنسى كل اللى راح
وما أفتكر يوم من كلامى
غير بحبك
العيون تعشق ملامحك
والفؤاد اللى ظالمته
رغم كل شئ مسامحك
والأمانى هى أنت
والحياة
دا العيون والقلب والعقل
وجوارحى
كلهم واقفيين فى صفك
أغدا أغدا ألقاك ؟؟؟
==============
أغدا ألقاك ....؟
ياللى كل الحلم إنى
يوم فى عمرى
أكون معاك
ياللى كل منايا إنى
كل لحظة من حياتى
قلب دايب من هواك
أغدا أغدا ألقاك ؟؟