عجيبه الدنيا والايام.........عبدالفتاح معروف محمد

عجيبه الدنيا والايام

عجيب طبعك كمان يازمان
تملى الدمع منى يبان
اصاحب مين وكلو خان
مفيش صاحب يصون يازمان.

عجيبه الدنيا والايام

عشان غلبان أعيش متهان
وحتى الحب كان يامكان
يا قلبى اوعى تدى امان
وهحكى حكايتى ليك الان،

عجيبه الدنيا والايام

انا كنت يوم سندان
بتحمل الأحزان
دمعى عزيز وهو هان
من قسوتك يازمان؟؟

صاحبت ناس اندال
ومشيه ف سكه شمال
يومياتى شرب وكيف والطاسه عال العال
صبحت فى التوهان ولا فارقه بيت وعيال.

ولمه حظى مال
ومعدش عندى مال
واتبدلت الاحوال
الكل عنى مال.

عجيبه الدنيا والايام

وده ذنبى عشان انسان
فهمت يا قلبى إلى كان
بلاش اسمعنى تدى امان
دموع العين لحد الان

عجيبه الدنيا والايام
بقلمى
عبدالفتاح معروف محمد

27/11/208