قصائد قصيره44   *** بقلم السيدابوطاحون
*********
نورك يبوس الزهور
ياسمين و ورد ونرجس
ويبدر الدنيا نور
وحب من قلبه يهمس

*********
مهما يطول الليل
الفجر جاي اكيد
دجله ف حضن النيل
والنصر له مواعيد
*********

الليل بيودع
والنجوم بتنام
والصبح قام
بسام بيتنفس
عصفور صغير منور
متوضي في الاحلام
لسه بيتهجى الكلام
رفرف على باب الجمال
بيزقزق ويترقص
صبح على بنت الجيران
وقال موال
*********

مشتاقين يا قمر مشاعر
كل شاعر شاف عنيكي
قال ما شاء الله عليكي
خاف من الناس يحسدوكي
*********

مساء الورد البلدي
بيحب يبوسني ف خدي
يهمس له قلبي يعدي
والاقيه على بابي مندي
*********

كسر قلبي وسابني وراح
وجرح الحب ما بيطيب
وحتى الروح دبحها جراح
وكل يوم يزورني طبيب
ويطلع والدموع في عنيه
ويمشي في البلاد سواح
يدور في كتاب التيه
وجابولي طبيب جراج
يغير قلبي باللي فيه
عشان اقدر أنام وارتاح
*********

ويصحي الورد ويغني
في ايد الحلوه يوصلني
تبان الفرحه ف عنيها
ويحضن فنها  فني

********

يا ورد بوس لي ايديها
ام العيون الوسيعه
قلبي يدق يناديها
و كل ثانيه بساعه

*********
مشي حبيبي وسابني
وكأنه ف يوم ما عرفني
نسي لما خدني بعيد
بشوق مجنون وشوشني
همساته هزت حيطان قلبي
كأنه خمر دوخني
وقالي انت الجمال والكمال
 وانت العين  والنني
  وانت الزمن الجميل  لما نوى
يضحك وينصفني
عدى عليا الحبيب كأنه غريب
لا شافني ولا عرفني
*********

واقف على بابك سنين وأيام
حارس من الحراس وبيا غرام
الشوق سكني والسهر اضناني
نظره ف عيونك تفترس احزاني
والقلب يضحك والهموم تنساني
ييجي المطر بالورد والاحلام
*********
#قصائدقصيره44
#السيدابوطاحون
 #الأخنوم