((الى مديرين كروباتنا الأشاوس مع الأحترام))الى الأنتهازيين فقط

الكل معسكر في كروبوا وعامل متراس
وحاطط كاميرا ضوئية وجوقة حراس
وقهوة مرة وميت اهلا وسهلا ولا باس
شرفت كروب الحتة يا زين الشباب

أول منشور والتاني عالعين والراس
أما التالت والرابع صار في وسواس
وما بين داحس والغبرا الزير وجساس
نادوا ع رئيس الحرس يقفل البواب

شاعر عامل لك حالوا متنبي ونص
بيرفض يقرا منشورك خايف ليغص
لا تحاول ترفع صوتك تنسخ وتقص
يمكن بقفا الصفحة يصير انقلاب

ويمكن تكبر القصة وننسى الحروف
ويمكن نعمل خوادم و بعدنا ضيوف
ويمكن ناكل تقليعة بصيغة معروف
ويمكن ترجع ادراجك متل الدولاب

ويا ويلك لو بتفكر تعتب وتلوم
تكسر جرة مليانة أسى وهموم
اشرب كاسك لو بدك حظك يعوم
ربان المركب ناوي يمخر العباب

ناصيف شرباجي/سوريا