كاتب بالقلم
عبدالمنعم عدلى..مصر
ياكاتب بالقلم
ياراوى أشعارك
بكرة يجف
حبر القلم
وتخلص أشعارك
وتحتار وترجع تانى
تملئ القلم
من دم أفكارك
وتسطر حروف أفكارك
والناس تقرأ أشعارك
وكراس وراء كراس
والفكر مالى الرأس
ومحتار ترضى الناس
بإحساسك ولا
إحساس الناس
وكل يوم بتتعب
وعلى الرف
تشيل كراسك
حروف تعدى المليون
والناس ماعاد
عندها رأس
أكتب من
جوه القلب
شعورك بإحساس الناس
يوصل لقلوب الناس
بقلمى عبدالمنعم عدلى