الأستاذ /طارق علي حسن.. يكتب.. بحبك ياعمري...

بحبك ياعمري
وحشاني من صغري مستنيك  منسيتك
ولا عن بالي بتغيبي
بلونك الوردي لو صادفتك
 روحي ترقص ولما في البيت تزوريني اخبيك  من  عوازلي من عيون جيراني
وأضمك واقفل شبابيكي لاصاحب ولاصديق
وقتها عندي
 وعن تليفوني اقطع حرارتي
وأشيع في العيلة إني مسافر مهاجر من زمان انا هالك
علي نار قلبي أسويك
يالي شوربتك وريحتك من روائح الجنة
بحبك مسلوقة ومحمرة ومشوية بحبك ياغالية يالي
أسعارك في البورصة عالية
تدللي وعلي الغلبان تتغندري ست الحسن
أميرة الحواديت أنت
 زوريني في السنة ولو مرة
بحبك يالحمة
طارق