الشاعر/ طارق على حسن ....يكتب ...ولد وبنت ..

ولد وبنت
ونظرة عين من تحت الرمش
ياتري نظرة حايرة ولا نظرة دايرة ولا نظرة للقلب خارقة
وجهها الجميل كان حزين  خطوته سبقت في لحظة خيالها بخطوتين
 بتبكي ودموعها تصرخ تنادي عليه
البعد بينهم أصبح مسافات
 من وقت قصير
كانوا بيحكو أحلامهم كان بيقطف إبتسامتها من فوق الخدين
فكروني بأيام زمان
كنت عايز أصرخ فيه
أوعي تهجر أوعي تهرب أوعي في لحظة طيش تبيع الغالي برخيص
 أوعي تقتل
قلب متعلق بك
 أوعي تخلي دموعها
تبكي عليك
هتعيش بندم زي الجبال
هتعيش بقلب ماهيعرف الحب  ولا راحة البال
أمسح دموعها ماتخليها تنزل ع الخدين
وقف خطوتك وعود أحضن إيديها وبروحك أمسح بكاها وأحلم أنك  شيئ كبير كبير عاشق وله حبيب
طارق