عبد التواب الجارحي يكتب ....

معقول الحب بقي ليه عيد
يادي الطين
الحب مش محتاج دبابيب
عشان تفرح
الحب موجود من زمان
بس إحنا نغير المفاهيم
اديني عقلك معقول دي عيد
صدقني النوم ارحم كتير
إنك تعبيرك للمحبة
جوز دبابيب
يا واد اكبر عشان تفهم
إن احنا لينا هما عيدين
 عيد صغير وعيد كبير
أما أمور المسخرة والدبابيب
ده اختراع
وافهم بقي الحب صح
من غير منهده وكلام بسيط
كل يوم يعدي خير أظن عيد
والوردة هاتها فى أي يوم
الحب صدقة قبل ما يكون تعبير
واظن احلى من ده كله
إن النهار يخلص بخير
هيبقي عندك احلى عيد
الحب احساس مش منظرة
الحب وعد وفاء ودين
مش تقولي دبابيب
وفلانتين
روح اتلهي
لو كنت فاكر إن النهاردة أحلى عيد
ممكن تقولي أنت صليت الجمعة فين
أظن عيب تعرف تحب
من غير ما تذكر ربنا
وإن السعادة فى الصفاء
ونسبنا بقي من الانعره
اللي نسيتني احنا مين
====================
نوه فلانتين
بقلم / عبدالتواب الجارحي