السيد ابو طاحون يكتب ....

أولى جامعه    *** بقلم السيدابوطاحون
*********
يا سلام على
 أولى جامعه
والعيون
 حاضنه الخجل
  وفيها لامعه
والقلوب متكهربه
  خايفه
لكنها من
 فرحها ماهمها
الدنيا شايفه
ولا سامعه
والايدين م البرد
ساقعه
نفسها ف ايدين
 تقرب منها
تضمها
وف حضنها
يغني الدفا
والقلب يسعى
يا سلام على
 أولى جامعه  ! ! !
*********
يا سلام على
أولى جامعه
لو تقوم
 م الفجر تجري
بدري  بدري
قبل ما تنام النجوم
تمسح الدنيا بعنيك
وانت بدور
على عيون الحصان
اللي لمابتمشي
بتهز المدرج والمكان
تسقط الكتب
من بين ايديك
وأن لقيتها مش هناك
تنوي المغادره
يبقى مش
لازم محاضره
تجري ع الكافتيريا
تشرب قهوه مره
 وتعادي الفطار
والخصام يبدا
مع شمس النهار
والسيجاره مع القهوه
ف  شجار
من مرار الانتظار
فجاة تلقي الدنيا هس
والعيون ع الباب تبص
والحصان داخل
يهز في القلوب والعيون 
قبل المكان
كان يا ما كان
بس ليه فرت من
عيني دمعه ؟!
حد يعرف ؟!
يا سلام على
 أولى جامعه ! ! !
*********
#اولى_جامعه
#السيدابوطاحون
#الأخنوم