د.نشأت عادل يكتب ....

مالك ياعُمر؟!
ما ترُدْ قول لِّى
إيه جرى؟!
خلاك بتستسلم
ل شيب..
مش يبقى عيب؟!
لسة الحروف برضك
شباب..
والذهن حاضر مُتَّقِد
وماهوش غياب..
لساك بتسأل ليه
العتاب؟!
عايش معايا من سنين..
لحظات فرح وساعات أنين..
أسابيع ألم متفرقين..
وشهور وجع متجَمَّعين..
مليت أوام من عَدَّها!!
طب إيه اللى جَد؟!
ما كنت صابر زى أخوك
ناشف بِجَد...
وكنت دايماً مُستَعِد
قررت فجأة تستكين
وتحط للأوجاع دى
حَد؟!
عارفك جدع..
ساعة الوجع..
إن شيبى هاننِّى
القاك ت رُد..
مَلِّيت خلاص؟!
سَلِّمت شَعرِى للبياض
ولا انتهى زمن العناد؟!
ومفيش مَنَاص؟!
د انا كنت ب اضعف
تبتسم..
وتقولى ياض..
لساك شباب..
للدنيا تفتح ١٠٠٠ باب
ع الشيبه دايماً
تترِسِم..
عودك طِرِى؟!
ولا عشان كنت
ف شبابك مفترى؟!
جاير عليه..
علشان كده شيبتك
قِوِتْ..
جارت عليك..
ب تسد دينك ولَّا
إيه..
أنا ليَّا فيه؟!
ده الدِّين عليك..
والله يعينك
ع السداد..........
بس ف ميعاد..
لساك مصمم
ع الفراق..
طب سيبنى أعيش..
لا أنا صنت ملح
ولا انت برضك
صُنت عيش
كل اللى فاضل
مايساويش...
خليك هنا...
عَدت سنة...
وآهى جت سنه...
منحة حياه....
من ربنا......
ف تعالى نحضن
مِنحِتُه...
ربَك شَمَلنا ب
رحمتة
كَلبِش بقى فالمنحة
دى
وتعالى نمسِك ف
الأمل
ونعُض فيه....
ونعيش عليه
واللى زمان ضاع
مننا..كان حقنا
مكتوب لنا لسه
نلاقية....
جايز يكون
آن اللُّقا..
فَ إهمَد بقى
      د/نشأت عادل