الشاعر ابوحمزة رشوان يكتب سنة الفين

سنة الفين فى مدينة نصر..

تركت الخدمة وقت العصر.

مليت الجيش مليت الميرى.

قولت اتفسح حبة فى مصر..

...

لبست الملكى خلعت الميرى..

وقلبت الخدمة على قفه غيرى.

نطيت السور وطلعت السلم..

غيرت بسرعة خطة سيرى..

....

وجيشنا كأن فلوسه باالعالى..

نلبس أحلى اطقم  باالغالى..

راتب الجندى 58وأنا بحصل 1100

ومقضيها  لعب  وتسالي..

....

وأجمل حاجة في الحربية..

لما  تكون  وسط  الملكية..

ندهو  عليا  أثنين  بنات..

واحدة قشطة والثانية مهلبية.

...

لو سمحت الساعة كام..

صمت لحظة من الكلام..

وقولت الساعة تبقى خمسة

قالو باين عليك انك خام..

....

ياخواتى على جمالك جمال محال.

يشغل  العقل  يشغل  البال...

قولت هو انا إللى هعاكس ولا انتم..

قالو  كمان  يقربلك  عبدالعال..

....

قولت عبد العال والعرق غطانى..

قالو باين عليك من الصعيد الجواني.

أصحى فوق يا بنى قولت ردو عقلى..

هل  الجمال  ده  جمال  ربانى...

.......

ضحكم  وظهرت  سنان  لولى..

يا ناس خفو الضحك وقولولى..

انتم   بنفسج   ولا جورى..

بااله يابنتى تنطقى بااله يابنتى تقولى..

...

جمالكم سحرنى أنا إللى من الجمال جفل.

قالو  ويقولو  صعيدي  ويقولو  قفل..

قولت  والله  ما  أعرف  شئ..

انا  اتولدت  على  ايدكم  طفل...

.....

قالو  اختار  واكتب  اليوم  الكتاب..

لاعوزين شبكة ولامهر يكفينا كلامك العناب.

قولت  للا اسف  القلب  حب  وداب..

وليا  فى  الصعيد  احباب......

.......

(سنة الفين بقلم أبو حمزة رشوان