سعيد ساسي يكتب ....

مولد الهادى الامين
بقلمى سعيد ساسي
.....
فى يوم ميلاد المصطفى
البدر قال انا مين؟
فين راح بهائى وحسنى
يوم ماتولدت يازبن
اتناشر ربيع اول
واليوم كان الاثنين
كان جده عبد المطلب
ويا الجميع حاضرين
مستنى يسمع خبر
عن مولدك ياامين
جات البشاره وقالت
افرح ياسيد الناس
جالك صبى كالبدر
ولا شفت زيه ياناس
بدر البدور فى السما
وملايكته حراس
رفع ايديه للسما
وقال ياموجود
اهديتنا من فضل خيرك
ياذو الكرم والجود
فى الارض اسمه محمد
 اما فى السما محمود
تويبه نالت كرامه
لما للوليد حنت
ارضعته لما ارتوى
وكل النسا غنت
فرحوا جميعا سوا
لنبينا طه الزين
ايواء كسرى اتحطمت
شرفاته يوم هليت
بطلتك ع العباد
والدنيا لما اتيت
وبحيرة الشرك ساوه
غاضت بحق الله
وبقيتى ذكرى وهجرك
الاحبه خلاص
نارك يافارس
اللى كان
ليها العباد عباد
من الف عام
 خمدت تمام
وبقت رماد ينداس
صلوا على طه الامين
احمد نبينا الزين
صلوا عليه وسلمو
دا شفيعنا يوم الدبن
.........
مع تحياتى
وكل عام وانتم بخير
سعيد ساسي