بقلم.. محمد ابو بكر.. تسلم الشده

• شعر العاميه
• ----
• [  تسلم الشِده  ]
• ------
• قالوا زمان تسلم الشده إللى بتبين معنى الرجال
• ----------
•
• ومين حبيبك ومين إللى عامل زى التراب بيزنل من المُنخال
• ----------
•
• ومين إللى وقف جنبك فى شِدتك
• ومين إللى كان سندك فى محنتك
• ومين إللى كُنت بتقول عليه ده إبن حلال
• ----------
•
• يا ترى عرفت حبيبك
• ومين إللى مش ممكن فى ألامك يسيبك
• ولا لسه بعد إللى شوفته وإللى تقال
• ----------
•
• أنا عارف يا قلبى على مين بتعيب
• وبتنسى الأسيه لأنك طيب
• والصاحب صاحب بردو يا خال
• ----------
•
• لكن يا خساره فى صحاب ورق
• بطيروا فى الهوى مع أول غرق
• ويسبوك لوحدك تبكى الحال
• ----------
•
• حتى إللى كنت فاكرُه جدع
• وصاحب صاحبهُ وعنه ما يتمنع
• طلع يدوب كلمه بس بتتقال
• ----------
•
• حتى أخويا مش من أمى ده من أبويا
• سابنى فى الشارع أنا والعيال
• ----------
•
• مفكرشى فى الدم
• وصلة الرحم
• وإن  ده حقى عليه زى الرسول ما قال
• ----------
•
• ميعرفشى إن المال مال الله
• وإن ده إمتحان فى الحياه
• مستعد أنت يوم القيامه للسؤال
• ----------
•
• تسلم الشِده إللى عرفتنى
• مين عطانى حقى ومين ظالمنى
• ومين إللى شافنى ببكى وعنى ما شال
• ----------
•
• تسلم الشِده إللى عرفتنى
• مين أكل حقى
• ومين موقفشى جنبى
• ومين حبيبى ويتعملو مليون موال
• ------------
•
• بقلم محمد ابو بكر
• --------