أسامة جديانة يكتب .....

أصرخ وبأعلى صوت
لو هتروح مش راجعه تاني
وقتها تشريد وموت
مش عارفين مين الجاني
أصرخ لاجل ماتحقق الأماني
لاجل ماتعلي المباني
والخيرات على الصواني
وأكبر وأرصص ملاييني
اللي حماها من سنين
مش الجيش والملايين
اللي حماها يامصريين
قدرة رب العالميين
كل بلاد العالم
عينها عليكم يامصريين
وكله ياخد ماالتورتاية
قولي نصيبك هيكون فين
هتسيب بيتك وتسيب وطنك
هتوه مع كل التايهين
يقتلوك أدام أبنك
أو تموتوا أنتم الاتنين
اللي بيحصل دا مش لعبة
ولا هرتلة من ناس تافهين
دول بيجسوا نبض الشعب
وقت الصفر يقوموا داخلين
فوقوا قبل الآوان مايفوت
أنتم عيشين آمنين
فكر لحظه وعيش فى خيالك
قولي ساعتها هتروح فين
شوفوا عراقكم شوفوا سوريا
لما شعوبهم صدقوا خاينين
مش هتضيع أنت لوحدك
كلنا معاك ضايعين
اللي موافق واللي رافض
حافظوا على مصر يامصريين
                      (((أسامه جديانه)))