بقلم الشاعر... عبدالمنعم عدلى... مين غيرك

مين غيرك
عبدالمنعم عدلى..مصر
ياساكنة القلب
مين غيرك
يملئ قلبى بالحب
حبك فاض
وعلى الدنيا السلام
مين غيرك يابلادى
ساكن الحشا
من جوه
مين غيرك
ألملم عليها
وأفديها بكل مالى
وولدى وعيالى
مين غيرك
ياحتة من كبدى
ياحتة من موال
أنا المصرى
عاشق بلدى
وكل حصوة رمل
بتنادى عليا
أكون فى الميدان
وبلدى لاتصرخ
من ضجيج البارود
وكلام الناس
مين غيرك
يلم عليا
ويحضن ولادى
مين غيرك
ياأم الدنيا
والطمع فيك
ولالسانى يقول
خذوا الجاه
خذوا السلطان
خذوا المال
وسيبوا لى وطنى
مين غيرك
أحافظ عليه
وعلى كل حصوة
رمل فيه
مين غيرك
الدنيا تفنى ليه
من خوفى عليه
حتى لو دفنونى
تحت التراب
وأنا صاحى
هنده بعلو صوتى
وأقول
رفرف ياعلم بلادى
وكيد كل غازى
يامصر ياأم
كل غالى
والرخيص فيك لايساوى
يابلادى وبلاد اجدادى
فداك الغالى
دمى ودم ولدى وعيالى
قوم يامصرى
مصر بتنادى وتقول
حى على الفلاح
حى على الجهاد
ويرجع بينا الزمان
ونغنى على السمسميه
ونقول كمان
خلى السلاح صاحى
بقلمى عبدالمنعم عدلى