خيالها يرجع مية سنة
كان الأمان سر الحياة
والانطباع سحر الوجود
أعيش أموت مش فارقه عندي
بس المودة لازم تعود
خليك قوي
واجه مشاكلك
الصورة دي لازم تعيش
بحرك خيالي
ونيلك حياتي
والأصالة اصل الوجود
متقولش اخاف
عشان ولادي
ابوك ومات علشان تكون
ثورة غضب من القلوب
أولها مصالح الوطن
لازم يعيش
علشان تكون اوعاك تخاف
وانظر لربك واحتسب
باعلى صوت
اوعاك تقول هغير ايه
انت الامل عبار التاريخ
لو جيت تموت
ابنك هيرفع العلم
عبر العصور
وبالتدول حب الوطن
لازم يكون
أنت العلم وكفاية خوف
انزل وثور
بدون خراب من أجل شعب
لازم يعيش
فى احلى صورة واعلى صوت
أنت البداية والنهاية
اوعاك تخاف
ارسم طموح لازم نعيش
بدون إهانة وبدون عذاب
اخرتها ايه
لازم تزيل تقشيرة من وجه الوطن
زيل النمش علج البثور
أنت الجمال من غير سيلكون ولا فيلر
ارسم علم
أنت البداية فى شئ لازم يعيش
قلبك الوطن بدون مهانة أو وجع
اخرتها ايه اخرتها موت
بس المهم ابن الوطن علشان يعيش
فى احلى صورة واعلى صوت
أنت العلم عبر العصور
___________________________
كلمات / ارسم علم
بقلم / عبدالتواب الجارحي
ليست هناك تعليقات:
إرسال تعليق