بقلم... أحمد محمود عوض سعيد... لا كنت عبد فى يوم....

لا كنت عبد فى يوم

لاكنت عبد فى يوم
للسيسى ولا مرسى
ولا خوفى غير م الله
وايمانى به حرصى
ولاليا هوى بيحوم
على منصب ولا كرسى
ضميرى فى كلمتى
وأنا ضمير نفسى
دربى لآخر مدى
لحد ما مركبى ترسى

-------------------------
لكن أناانسان
بعشق تراب بلدى
وطنى ملهش مثيل
وبالدليل عندى
وابن شعب عظيم
بعد الاله سندى
ولجله كله تهون
روحى مع ولدى
واعرف عشانه وليه
بأفخر ان دا وطنى
-------------------------
بحب كل انسان
يبنى فيها طوبه
وأكره يعيبها لسان
أويرميها بطوبة
أسعد وأكون فرحان
لو أشوفها مبتسمه
ولا دقش طعم النوم
لو هى مكروبه
تهجرنى شمس الدفا
لو غبت يوم عنها
ولاقى كل الصفا
والصفح فى التوبه
بعشق جمالها
وأحفظ كل مواويلها
وأدوب معاها كأنها لسه مخطوبه
مصر الابيه
ما ليا فى الهوى غيرها
فى القلب ساكنه
وهى أغلى محبوبه

                         أحمد محمود عوض سعيد
         الرحامنة /فارسكور/دمياط