حلم وراح ... بقلم عصام الدين محمد

■  حلم  وراح  □

.عارف  انك .. بتتعذب .. ومن  غير  صوت
حاسس  بهمك .. ولا  همك ..  العمر  يفوت
متغرب وقلبك  آه ياقلبك  موجوع  مكبوت
في وسط أهلك وبتهلك لوحدك في سكوت

كان حلم وراح في براح
 راحت  وياااه  الأفراح
من يومها قلبك ما ارتاح . ولا يوم مبسوط

عايش في جحيم وجراح
مهموم . وخيالك  سواح
في ألآمك . طير بلا جناح .. مستني الموت

قلبك . جواك  موجوع
حبك . أشواك  ودموع
ولا حتى أمل  في رجوع . ولا حضن  وبيت

أيامك  تشبه  لياليك
أحزانك بتكسر  فيك
دنياك ديمآ . تقسى عليك .. ويأسك  جبروت

سنين  . عدت  في سراب
قضيتها  وحيد في ضباب
أحباب . بقوا زي  الأغراب .. يبيعوك  بالقوت

شايفك ماشي . بلا روح
وعايشها .. حلاوة  روح
وبحسك . فين  ما تروح .. زاااهد  الملكوت

إرمى حمولك . على الله .. وإياك  تنساه
حلمك .. تلقاه  بالعمل .. وايديك  مسكاه
أزرع  في سقوطك  أمل .. تخضر  حياة
هتلاقي مرارك  عسل .. والصحرا  بيوت
                  ... بقلمي ...
          ...  عصام الدين محمد