يا تاجر الصبر... بقلم الشاعر ياسر عبد الحميد

(( يا تاجر الصبر ))

يا تاجر الصبر ،، قول 💭

ازاي ،، قادر تصبر

عديت حدود الألم ،،

و دايما لناسك تجبر

و فتحت قلبك دكان كبير ،،

بيلم ف احبابك ،، كتر الوجع ،، صابك

و انت ما بيدك ،، انك ف يوم تأمر

يا تاجر الصبر ،،  قول 💭 ،،،!!!

علموك الصبر فين ،،

و ازاي قدرت تتحمل

ما انت صابر من سنين ،،

و برضه لسه ،، بتكمل

صابر علي سنينك ،، و راضي ،،

جواك مواجع ،،

بتقول ،، دي ،، عادي

نفسي افهمك ،،

نفسي اعرف ،، انت مين

انت صحيح ،، قادر تكمل ،،

ولا مغلوب ،، م السنين ،،!!!

بقلم الشاعر / ياسر عبد الحميد