ياللي أنت لسه نايم ... بقلم الشاعر جمال حلمي

ياللي أنت نايم
ف العسل
وديمآ تقول
 أنا لسه  عايز...

وديمآ تسب
ف   الوطن
وتقول عليه
ده أصله  بايظ

قدمت أنت أيه
 للوطن 
علشان   نقول
عليك
مواطن شهم وفارس  ....

مش كفاية
إن  حضرتك
 نايم ف العسل
وبرضة لايص  ...

ياعم  دا  غيرك
 مات  شهيد
من أجل كلمة
وطن
ولا قال مره
نفسي وعايز 

دم  الشهيد 
ياعم
شاهد عليه
الزمن والوطن 
وكل فارس  ..

لسه بينزف
لأجل  أنت
تعيش وتنتقد
وتقول كلام
يضني وقارص  ...

ياسلام !!!! قالوا
ف الأمثال زمان
إن خفافيش
 الظلام
مالهم أمان
متاريس
ف كل حارة
وكل شارع.......

خفافيش ///// عاله
على الوطن والأوطان
بدون  ضمير
ولا حتى وازع  .

ياللي /////أنت
نايم ف العسل 
وديمآ تقول
أنا لسه عايز ..

أعمل حساب
لأبن الشهيد
اللي فقد ابوه
 ووهب حياته
للوطن بدون مقابل  .....

الله يرحمك
ياشهيد
ويحسن  إليك 
كنت فعلا
راجل وحاسس  ..

نام عميق وأرتاح
أطفالك
ف نن العين
من    ساعتها
مش من أمبارح  .......


......................................................
ياللي أنت نايم ف العسل
......................................................
بقلمى ......   جمال  حلمى  ...................