فاكراني حزين ... بقلم عبد التواب الجارحي

قال ايه فاكرني حزين
ابعد بعيد عني
أنا قلبي لسه كبير
مهما يزيد همي
الصبر لسه جميل
والحب مش لعبه
عشان تصيد قلبي
لازم تكون حريف
حب اللي من توبك
لو حتى ساكنه فى كوخ
والمنظرة الكدابة
معداش ليها كبير
قال ايه فاكر قلبي
لسه رضيع من حبك
روح اتلهي وامشى
اوعاك تقول حبي
لو لسه فيك الامل
كنت زعلت عليك
بس انت زي الخدم
وخير لسه عليك
روح يلا شوف شكلك
واختار اللي من توبك
أنا قلبي مش للحب
والكدب والتدليس
روح يلا عد فلوسك
على حد يشبه لك
أنا قلبي مش للبيع
والدنيا مش بالمال
لو لسه ناوي عتاب
روح رجع الايام
وانت تشوف حظك
وسط الخدم مثلك

===========================
قال ايه فاكرني حزين
بقلم عبدالتواب الجارحي