بقلم الشاعر... نوفل خليل عباس... هواجس العمر.....

هواجس العمر
مالك عليي حق وما أنا لي عليك
وحياة يلي زرع هالنور بعينيك
ندور ع لحظة صفا وكل الهنا حواليك
ومن بعد ما مرّ العمر غلط وجمعني فيك
أنت الحبق بالطبق قطر الندي يسقيك
*****************
بيدور هالدولاب دوره لورا
بواب الزمان تصير لحظة مسكرة
مو متل ما قال رجال ومرا
لكن متل بالمي حبة سكرة
بتدوب فيي انا وبدوب فيك
***************
هيك ضيعنا العمرلوم وعتب
ومندعي انوالقدر هيك انكتب
خلقنا سبب من غير سبب ما في سبب
وان كان لاقينا بعض ليش العجب
لا كان فيي هالعطل ولا هالعطل كان فيك
******************
معقول نرجع نلتقي معقول
باب الامل مفتوح ع المجهول
ما في عمر يكفي بقى ويطول
برد العضم صار الجسم منحول
تلفك عبا تشرين وتدفيك
************
بتذكرك بتصورك دورة قمر
بيخطر ببالي غايبة برحلة سفر
لان الحديد وبعد قلبك من حجر
انت ملاك بخاطري مو من البشر
واطلب شو بدك بالرضى بعطيك
*******************
ودع عيوني النوم ووعيت الذكرى
خيط الامل موصول ببكرا
وصحيت ع وهرت حلم ونامت السكرى
ودبلت وراق الليل واصفرت السهرة
ويطبع شفافو الفجر ع شبابيك
****************8
كنا صغارتنينا نلعب سوى
بزاروبنا الي صار منسي وانطوى
ويحمّر خدك كتر ما يهب الهوى
وتضحك عيونك والنجم فيهم ضوا
وبنسى الزمان وانت ما بنسيك
*****************
تغنيت فيك وثبت كلامي
حطي ع صدري راسك ونامي
معبد صلا للناس وقيامة
جبينك شبيه القمر ع خدك الشامة
وصلي لربي الي جمعني فيك
          ****
بقلم :نوفل خليل عباس   24/12/2018