الجوهري عبد الله يكتب ....

الجوهري عبدالله

وماحَد..
سمّى عليّ

صياد محار هاوى
ع اللولى كان ناوى
وعشان ولد غاوى
رمى روحه ف الخيّه

طلعتله م الاصداف
بنّيّه عمره ما شاف
لها ذي ولا اوصاف
ولا عليها خلاف
فى كوكب الميّه

سألها يانور العين
وخدانا ورايحه فين
من ضفه الى ضفه
قدّامك الشطين
حودى الدفه
ع المينا رسّينا
ندق مراسينا
على شط حنيه

قالتله يامجنون
كل الفضا مسكون
من كل جنس..ولون
والكل بى مفتون
الكل عاشق حوريه

كان الفتى هيمان
بحبها سقمان
فى بحرها غرقان
وطوق نجاته
والطبيب هي

ولمّا فاض الشوق
خِلى الهوى بيّ
وقعت انا من فوق
وماحد سمّى عليّ

       جوهريات