( الرحمة يا زمالك ) م /عبالحميد سالم
زى الدنيا يا زمالك كفيانا  بقى مهازل
يوم ف السما وبعده ف الحضيض نازل
هزبمة وراها التانية و بالعافية بتتعادل
عمال تحرق ف دمنا م تقوللى ايه مالك ؟
******
م عندك الاهلى دايما بيلعب بروح عالية
والحكام ساعات بتشيله أصله إيديه طايلة
وانت رئيسك ضيعك واحنا حيطتك المايلة
كفاية بقى يا زمالك قهرتنا ونسيتنا موالك
********
من خمسين سنة وأنا  بشجع فرقة موكوسة
وكل م الاهلى ياخد بطولة نطلع نقول كوسة
بقينا بنعلق فشلنا على سحر ومؤامرة  مدسوسة
ناقص نبخرك وندق لك زار يمكن ينصلح  حالك
********
يا ألف ندامة يا ولاد على نادى الفن والهندسة
بقينا ملطشة  الفرق وشطار بس ف الهلوسة
وقريب راح يقلبك كازينو  أو صالة للفرفشة
كفاية توهان وأمتى تفوق ؟ الرحمة يا زمالك