هيام
=====
الورده مين هى
 ولا دى حورية

آه من عيون سحرها
صحى الهوى فيا

نور الخدود بنور
فسدق وعسليه

الطله طلة قمر
عطشان لسهريه

ملاك دى ولا بشر
ولا دى جنيه

ولا فى بحور الهوى
نسمة عبير جايه 

قلبى خلاص انكوى
ضايع مالوش ديه

يابياعين الهوى
شوفو دوا ليا

مجروح  سقانى النوى
كاسات مراضيه

الشوق وجمر الجوى
خلى السهاد غيه

تعدى نور الصباح
يرقص على المياه

والنسمه من سحرها
تهتف بأغنية

شدو  البلابل لها
أنغامه  حنيه

يامين يوصل لها
مرسال غرام ليا

يمكن يدوب قلبها
وتحن لعنيه

ونذيع ليالى الفرح
فى أحلى فضائيه

ونروح لأبعد جزيره
ونعيش أنا وهى

نسمع هدير الحمام
وندوب  ملاغيه

ياموزعين الغرام
أنا قسمتى هى

مركب حياتى هيام
دايبه هيام فيا

الشمس من حسنها
بعتت ورود ليا

سبحانه مين سوى
وهدانى بهديه

الحسن من صنعته
وهب الجمال ليا
=====
بقلمى سامح توكل ابوالسبح