بقلم الشاعر.... محمد البريمى..... ودع ماضيك....

شعر غنائى ..
(( ودع ماضيك ))
ودع ماضيك و إنساه .. و إبدأ بداية  عهد  جديد ..

و م تندمش ع اللى راح .. لا ندم بينفع  ولا  بكا بيفيد ..

إنسى الجراح  و أيامه .. و ليل السهر و ألامه ..

فكر ف اللى جى و أحلامه .. دا بكره قريب مش بعيد ..

        ودع ماضيك و إنساه

لو خدعك  صاحب يوم    و نساك .. م تلومش عليه و تعاتب فيه  ..

و إن واعدك مره حبيب ولا جاش .. م تستعجلش ف حكمك ليه ..

الحياه تملى بتكون كده .. يوم عذاب و يوم رضا ..

و اللى أسيته من دا و دا .. كفيل الزمن  يداويه ..

        ودع ماضبك و إنساه

لو عدت عليك ذكريات .. ف القلب كانت مؤلمه ..

قدامك خطوط للأمل .. مرسومه و متقسمه

خليها ماضى راح و إنتهى .. خط  العمر لسه م إنتهى ..

مشوار حياتك م إنهارده إبتدى .. م تخليش الظنون فيك متحكمه ..

          ودع ماضيك و إنساه

بقلم الشاعر ..
محمد البريمى ..