بقلم.... احمد ابو زياد ادريس... يا دنيا

يا دنيا

    يادنيا لمى أحزانى
    وهات الفرحه من تانى
    سنين تايه وعنوانى
    الأسى الحزن عيشانى
    صرخه بلا صوت
    مخنوقه فى الجوف سكنانى
    دى الحسره طريق طويل
    بلا نهايه
    وقسوه تدمى الجراح
    بلا رحمه

    شارب مرار الكأس
    على أنه دوايا
    أصرخ أنادى الصبر
    أتارى الرد صدايا
    هو كلمة فى غنا ومواويل
    ملقيت له معنى
    حتى فى غنايا
    بحره غريق موجه عالى
    عايم مستنى مرسايا

    مشيته طريق
    فرشته أشواك
    كل خطوه فيه بدمعه
    القدر يحكم لازم
    تكمل خطاك

    يادنيا ليه العذاب
    ده أحنا فيك أغراب
    كل ما نفقل للحزن باب
    تفتحى أنت ألف باب

                              احمد ابو زياد