عبد التواب الجارحي يكتب .......

حلوه الصورة
قولي اللي فيها
هي لسه بتعجبك
ولا بدلتيها بغيرها
وأثق فى نفسي
بس غيابي غصب عني
والشوق واخدني
وبحن ليكي
والدنيا ما فيهاش أمان
ولا ائتمان للبشر
بس فيها حبي ليكي
وأنتي عارفه بعدك أنتي مفيش نساء
صورتك معايه فى كل حته
ولا اتنسيتي فينت ثانية
دايما بحبك وبموت فى حبك
أنتي الأمان
بس أنتي عارفه
ان الزمان مالوش أمان
طمنيني ..
 قوليلي صورتي بتعجبك
ولا الكلام دا كان زمان
وصعب يرجع
بس أنتي عارفه ان الحنين
مفهوش تغير ولا خداع
وانتي فى قلبي
وأخذه نصيب الأسد
بدون مجاملة أنتي الحياة
وكل عمري واحساسي ليكي
يا تمر حنه
يا حاجه تانية
غير جميع كل النساء
صورتك معايه بتحتضني
وبحسها فى كل وقت
لا بتختفي من عيني لحظة
ودايما  فى قلبي قمر الزمان
بس الحقيقة
انا آسف ع الغياب
ومش بايدي ازعلك
لأني حاسس بكل كلمة
قولتها ليكي
يا تمر حنه يا قمر الزمان
بتوحشك
فى كل كلمة  ......
 وكل همسه  ......
 وكل لمسة  ......
زاى ماكان يا تمر حنه
أنتي الجمال اللي انحكي
واللي انكتب فى كل قصة
يعني الحياة بدونك حبيبتى
جرداء تمام من النساء

عبدالتواب الجارحى
يكتب / الصورة حلوه