د/ عزالدين حسين ابو صفيه.. يكتب... إكتم أنينك

شعر بالعامية
إكتم أنينك :::
،،،،،،،،،،،،،،،،،،،،،
اسمعني يا خال
وخذ مني نصيحة
ابعد عن المحتال
وابعد عن الفضيحة
وجع القلب يا خال
بيجي من النصاب
وبيجي كمان من المحتال
ريّح دماغك وابعد
عن هيك أحوال
وخليك حافظ الموال
اللي بيقول يا خال
إكتم أنينك
وإنسى عذاب سنينك
وما تنسى أنو في رب
هو في السما متعال
شايف وسامع وح يحاسب
الضلالي والمحتال
وما تنسي الحُب يا خال
حب الأنسان للأنسان
وإبعد عن الكراهية والحقد
وانشر السعادة والحب
وانشر الحنان كمان
وإكتم يا خال
إكتم أنينك
وإنسى ... إنسى
حزن وعذاب سنينك
وخليني يا خال أحكيلك
ما تركن على حدا يُحكلك
ويهرشلك ظهرك
قالوا من زمان في الامثال
ما يُحك ولا يُهرش جلدك
إلا ظُفرك
وما تركن على حدا
من الهم والمشاكل
ينقذك ويحلك
وخلي إعتمادك
على رب الكون
هو اللي يرزقك
وهو اللي يسعدك

د. عز الدين حسين أبو صفية ،،،