عبدالسلام رمضان... يكتب... العرف قدرك ولا... عاف

صباح العسل للناس ! العسل
،،،،،،
دخيلواا

العرف قدرك ولا ،،،،،،،،، عاف
مثل طير الحباري ما ترك عشة

ساحرني أبجمالة زين الأوصاف
يامحلة عيونة أو سيفة أو رمشة

هم شايف حلو مثل الغزال  الريم
شعرة والحسن وزلوفة  والشفة

تمنيت العمر ما ضاع بي مشوار
كامل بالأوصاف بخلاقة  والعفة

سهام أعيون ترمي الشاف بنحور
دلالة أو قهوتة أو شاية وي غبشة

ذابحني أبغرامة ليل  ونهار  تطك
روحي أبغيابة وتصيب القلب !!! رعشة

حلم  روحي  أكضي العمر  وياه
شيخلص العمر من دونة لو عفتة

أعد أيام والساعات طويلة أهواي
جنني أبغيابة والصبر شي سكتة

يكولون الغايب عن  العين  تنساه
أشو أغيابك يزيد الشوك كل وكت !!! وكتة

تعال أتحمل أهمومي وأخذ هل روح
بغيابك حبيب الروح حتى النوم  !!! ماشفتة

راح أرسم صورتك  بالعين  تذكار
بلجي أتنام عيني والصبر أشكثر

         لامني  !!!  أو لمتة

حرام  الطير يعطش أو بالنفس أنهار
أو غيث الروح ألك بالصيف هم شتة

لو تدري أبمحبتك بالكلب أشكال ولوان
مثل موشور لعيونك يروح  الروح

         لونتة   !!! وطشرتة

،،،،
بقلم
عبدالسلام رمضان