اسامة فؤاد حنا.. يكتب.. ارسم حلمك

ارسم حلمك  كلمات اسامة فؤاد حنا
ارسم حلمك شخبط وامسح
وارجع تانى افكارك صحح
حب الناس واسعدهم وافرح
ارسم صورة ليك ولبكرة
سيب حواليك اجمل ذكرى
نبته بتطرح خير او فكرة
ارسم حب مع الاخلاص
حب بيجمع بين الناس
نبضة فى قلب او احساس
ارسم هدفك حققه بايديك
كل طموحك او امانيك
واوعى تبص تحت رجليك
ارسم مصر بدون ارهاب
كل الناس عايشين احباب
والدين لله وليوم الحساب
ارسم مدنة جنب منارة
وقسيس بيحضن شيخ بحرارة
وطيبة الناس فى كل حارة
ارسم هلال ويا صليب
عايشين مع بعض بحب عجيب
احفظ مصر سميع يا مجيب
ارسم على الوشوش ابتسامة
او غصن فى منقار حمامة
ووطن نعيش فيه بكرامة    بقلمى اسامة فؤاد حنا