د. عز الدين حسين أبو صفية يكتب....

قصيدة غنائة بالعامية

يا مزيوني :::
،،،،،،،،،،،،،،،،،،،،

يا مزيوني
سرقتي النوم من عيوني
وكل أحاسيسي بيكِ مفتوني
أنا المسحور بحبك
ومفتون بكحل عيونك
بالله عليكي يا مزيوني
لا تبخلي عليِّ بنظرة وبغمزة
تشفي عليل قلبي
وتشبع لهفة عيوني
أنا من يوم ما شفتك
مش بس حبيتك
لكن أنا عشقتك
والله يا مزيوني عشقتك
وبيكي جن جنوني
وين يا مزيوني رحتي وتركتيني
ردي عليِّ ... وعن حالك احكيلي
شو اللي جرالك  وغير حالك
ظايل قلبك بيِّ مشغول
أو الزمان غير حالك
يا مزيوني ... تعالي
ننسى غدر الزمان
ونروح سوى
نركب قارب الهوى
ونبعد بعيد ... بعيد
لمكان  مليان حب وامان
وما يكون في المكان
لا أنسي ولا جان
بس القمر هو الشاهد
على حبنا
وخلينا نعشق ونحب بعضينا
ونحكي مع القمر ونطلب منو
يرخي نوره علينا
ويعلمنا كيف بيكون السهر
والله يا مزيوني
أنا حكيت مع كل الورد
وكل الفراشات بُست
تيحكولي كيف أقدر ألقاكي
قالولي : إنكي قاعدة
في حُضن القمر
والوصول إلك بدو صبر
وبدو طول سهر
وهيني جيت للقمر
وسألتو عنك
قلي لتشوف المزيوني
بدك تدفع المهر
سألتو ... قديش المهر
قلي ...
ألف نجمة ونجمة
وشمس وقمر
وألف بوسة وبوسة
لخدود المزيوني
يا طويل العمر
والله يا مزيوني
ماش عارف شو أعمل
يا حبيبي ... يا غالي
حكاية عشق المزيوني
بدها تضحية
وبدها صبر
لكن يا عاشقي
بيكفي منك
حبك ... وقلبك
أحلى مهر

د. عز الدين حسين أبو صفية ،،،