احمد ابو زياد يكتبـ ....

قلبى يا رحال

    قلبى يا رحال رحلتك آهه
    فى دنيا عنوانها متاهه
    الفكر شارد
    وتنهيده مش معروف مداها
    وحسرة ساكنه
    فى صرخه مش مسموع صداها
            قلبى يا رحال
    سفينة وتايهه فى بحر السنين
    بحاره ينادى رب العالمين
    يفرد قلوعه
    إيديه متكتفين
    يتمنى مرسى بلهفه وحنين
                قلبى يا رحال
    الرحله طالت وطال الإنتظار
    أيام تعدى كاسيها المرار
    بركان وجوفه يرمى شرار
    قسوتها تحرق
    زى جيوش التتار
    السعد اللى فيها
    جمرة مليانه نار
    دى الحيرة قاتله.     وأسأل
    ياترى نهارى ليل
    ولا ليلى نهار
                  قلبى يا رحال
                                           احمد ابو زياد