أحمد عبد الحق يكتب....

هي مش حاله تعود
ولا شوق حبايب
ولا لحظه انتظار
مش مهم الطير يغرد
هو ينفع طير يغرد
وهو في وسط نار
زي مافي نجم ليل
فيها برضو ضي النهار
وباختصار
ومن غير مااطول في الحوار
حبك علمني التسامح
علمني انسي اللي جارح
حبك علمني الغفران
علمني عشان تحب
وازاي تتحب
انك تكون انسان
كنت فاكر ريشي طار
كنت عايش يومي مابين
ليل حزين وانهيار
كنت فاكر العمر عدي
صعب يرجعله النهار
كنت فاكر اني شاطر
واني اخدت القرار
جيت انت بقلب طاهر
وفهمتيني يعني ايه
يتولدجوايا نهار
الخلاصه وبامانه
زي مافي ليل
فيها نهار
وزي ماناس بتجرح
ناس بتحلي طعم المرار
وزي ماحبيب بيدبح
فيها حبيب يعلمك
ويفهمك
ويتوبك
يدوقك حلاوه الغفران
الف شكر
الف ورده
انك خرجتيني من حزني
علمتيني النسيان
احمد عبدالحق