وسط ثلج لهموم
ما تنافق ما تنطق
وتنكر ماضرك كز...
...
سواد النهار غيوم
لا شمس فيه تبرق
غيرالريح بشتاه يهز...
...
نبغيك تعاشر العموم
ستي و بينهم فرق
وما يغرك فيهم لي يقمز..
...
فمك خليه مزموم
وانت بالسترة  صدق
ومن الله ديما العز...
....
لا تكون قرد مركومg
فيك يقولوا بافعايلو خلق
وديما يجري و ينقز...
...
الباب علينا مزحوم
ما يدوزو غير  النزق
وبالبلا يخيط و يطرز...
....
قالوا الفكرون ما مظلوم
غير للخواض يعشق
ووسطو ديما معزز...
....
ما تكون بنادم مشؤوم
ما تلقى منهم شكون يعتق
كثيرهم غير يحنزز...
....
الرزق ديما محسوم
وربي لعبادو يفرق
والفاسد ما يربح وخا يهمز...
....
........أحمد الناصري.....