العروبة .... بقلم الشاعر الدويدة عبد الرزاق

هذه القصيدة بعنوان العروبة وهي بالعامية المغربية
أخويا العين دمعات
والقلب تكوى
على العروبة اللي مشات
ومشات معاها النخوة
منين المساجد خوات
والناس مشات تتقهوى
تركو الصلاة  وسمعو للغنوة
المصيبة حلات
وحلات معاها البلوى
الأخ يقتل خوه على طرف ديال الحلوى
والرشوة كثرات
والملف تجمع وفي الأرشيف تتطوى
اخويا العين دمعات.
والقلب تكوى .
على العربي والمسلم
اللي تيموت في فلسطين وسوريا
وروحو خدامة تهوى
كل. شي ساكت ما دوا
الفقيرعايش تيتلوى
والغني شاد الشيشة
وعليها يتنشوى
العم يتشهلب ويستولي على الثروة
ويخسرهم على بنات الليل و الهوى
الله يرحمك يا العروبة
الله يرحمك يا النخوة
مشات العروبة مشات النخوة
ما بغينا ترقاع
عطيونا شي فتوى
عيينا بالخطب
بغينا العلاج وصفو لنا الدوا
بقلم الدويدة عبدالرزاق